توصيف هيأت

باشلادیم مهربان الله آدینان

محمدمصطفی علی یادینان

آقا اولان بیر اود دوشوب جانیما

اریدیب دوندریر آ یاغا منی

( العسكر)

.......................................................

چرشنبه آخشامی هیأت وقتینه

تلسیر اوره گیم آی آقا منیم

آخشام اولار هامی گلر هیأته

باشلانار صحبتلر بخشش رحمته

ارزنده سخنلر بیان اولونور

یاخشی مسئله لر عيان اولونور

باشلانار اوّلده مجلس قرآن

بسم الله دئييلر اوخونار الآن

خلاق عالمدن يتشر فرمان

نماز قيل اوروج دوت زكات وئر اينان

بو فاني دنيايه آللانما بشر

زندگانلوقدا وار خير ايشيله شر

دوز يولدان كج اولان مشكله دوشر

چاغور ياراداني مين داواسي وار

هامي باشلار بير بير اوخور قرآني

آچيلار انسانين روح ورواني

چاغيرار اوركدن حي سبحاني

نه مشكلون اولسا اولا درماني

ختم اولونار قرآن باشلانار دعا

سپيلر مجلسه نغمه ي عزا

سبوحٌ قدوسٌ سسي اوجالار

عزا زمزمه سي مجلسي آلار

اهل مجلس گوزيندن ياش النر

يا حسين سسلنوب روح تزه لنر

اني سلمٌ سسي مجلسي آلير

هامي كس اوركدن حقه يالوارير

عفو ايت بخشنده سن يارب گناهي

قوما درگاهوندان بوروسياهي .

بعض گونلر مجلسده اولار تعزيه

داغيلار نسخه لر هامي مُعزّيه

گلنده مجلسه شبيهين سسي

باشلانار عزا وغم زمزمه سي

آقا رضا اوخور عباس نسخه سي

عبداللّه نين گلر حزيندن سسي

آقاي شهبازينين زينب اولماقي

حاج حيدرين هل من ناصر دئماقي

آقاي افشارين نوحه اوخوماقي

هيأت مجمعنين سينه ورماقي

فيليم تكين مجسّم دور گوزيمده

الهام آليب دانيشيقيم سوزومده

كالبايي ابوالفضل مصيبتينن

داش اولسا آغلادار ياغلي سسينن

خوش لحنيله رضا اوخور قرآني

بوروير رحمت حق ماسواني

سوروشاللار آقا رسول بس هاني

دئير گلممدي واردي ميهماني

آقا حسين دانيشار خاشعاني

كالبا نصرت اوخور ختم قرآني

آقا سيد باشلار سفره دعاسين

ايستيير خدادن مريض شفاسين

دئير خدا يئتير قرضدار قرضين

بار الها ائشيد فقيرلر عرضين

خداوندا بو هيأته قيل نظر

آپار اوركلردن غميله كدر

بي وارثلري هئچ ياددان چخارتماز

فقير مستمندي هئچ وقت اونوتماز

صونرا تمام ايدوب فاتحه دئير

صاحب مجلسدن تشكّر ايدر

بير حمد بير قل هوالله اوخونار

تمام اولوب مجلس مردم داغيلار

يا

زان : فرامرز عبداله پور

درتاريخ 1384/12/12 هجري شمسي

درتوصيف هيأت